ދުންފަތުގެ ނުރައްކަލާ ދެކޮޅަށް ހޭލުންތެރިކުރުމުގެ ގޮތުން 24 ގަޑިއިރަށް ކުރިއަށްގެންދާ "ނޭޝެނަލް ޓޯޗް ރަން" ގައި، ފުރަތަމަ 18 ގަޑިއިރުގެ ތެރޭގައި 7000އަށްވުރެ ގިނަ ފަރާތަކުން ބައިވެރިވެފައިވާ ކަމަށް ޞިއްޙީ ވުޒާރާއިން ހާމަކޮށްފިއެވެ. މި ދުވުން ކުރިއަށްދަނީ މާލޭ އެކުވެނި ޓްރެކުގައި، އިއްޔެ ހަވީރު 4 އިން ފެށިގެން މިއަދު ހަވީރު 4 އަކާ ހަމައަށެވެ.

"ނޭޝެނަލް ޓޯޗް ރަން" އަކީ، މި ނޮވެމްބަރު މަހުގެ 1 ވަނަ ދުވަހުން ފެށިގެން ރާއްޖޭގައި ތަންފީޒުކުރަން ފަށާފައިވާ "ޖެނެރޭޝަނަލް ބޭން އޮން ޓޮބޭކޯ" އާ ގުޅުވައިގެން ކުރިއަށްގެންދާ ޚާއްސަ ހަރަކާތެކެވެ. މި ހަރަކާތުގެ މައިގަނޑު މަޤުސަދަކީ ދުންފަތުގެ ނުރައްކާ އަންގައިދީ، ދުންފަތާ ދެކޮޅަށް މަސައްކަތް ކުރުމަށް އާންމުންނަށް ހިތްވަރުދީ ބާރުއެޅުމެވެ. މިއީ ހުރިހާ އުމުރެއްގެ މީހުންނަށްވެސް ބައިވެރިވުމުގެ ފުރުޞަތު ހުޅުވާލައިގެން ކުރިއަށްގެންދާ ހަރަކާތެކެވެ.

ޞިއްޙީ ވުޒާރާއިން ދޫކުރި މައުލޫމާތަށް ބަލާއިރު، މި ދުވުމުގައި މިހާތަނަށް ޖުމްލަ 7547 ފަރާތަކުން ވަނީ ބައިވެރިވެފައެވެ. މި ހަރަކާތުގައި ދައުލަތުގެ ބައެއް ވަޒީރުންނާއި، ކުޅިވަރު ދާއިރާގައި ހަރަކާތްތެރިވާ އެތުލީޓުންނާއި ކުޅިވަރު ކްލަބްތަކާއި އެސޯސިއޭޝަންތަކުގެ އިތުރުން ސަރުކާރު ހިއްސާވާ ކުންފުނިތަކުގެ މުވައްޒަފުންވެސް ވަނީ ހަރަކާތްތެރިވެފައެވެ.

މި ޚާއްސަ ދުވުމަކީ، ޞީއްޙީ ވުޒާރާއިން އިސްނަގައިގެން ކުޅިވަރާއި ހަށިހެޔޮކަމާބެހޭ ވުޒާރާއާއި، ހެލްތު ޕްރޮޓެކްޝަން އެޖެންސީ (އެޗްޕީއޭ)އާއި، ދުނިޔޭގެ ޞިއްޙަތު ޖަމްޢިއްޔާ (ޑަބްލިޔުއެޗްއޯ) އަދި ސަރުކާރުގެ އެކި އިދާރާތަކާއި ކުންފުނިތަކުގެ ބައިވެރިވުމާއެކު ކުރިއަށްގެންދާ ހަރަކާތެކެވެ.

ނޭޝެނަލް ޓޯޗް ރަން: 18 ގަޑިއިރުތެރޭ 7000އަށްވުރެ ގިނަ މީހުން ދުވެފި

ރާއްޖޭގައި ނެޓްބޯޅަ ކުޅުން ކުރިއެރުވުމަށްޓަކައި، ލެވެލް 1 ގެ ނެޓްބޯޅަ ކޯޗިން ކޯހުގައި ބައިވެރިވުމަށް ހުޅުވާލައިފިއެވެ. މިކޯހަކީ ކުޅިވަރާ ހަށިހެޔޮކަމާ ބެހޭ ވުޒާރާއާއި އެވުޒާރާގެ ދަށުން ހިންގަމުން އަންނަ މޯލްޑިވްސް ނެޝަނަލް އިންސްޓިޓިއުޓް އޮފް ސްޕޯޓްސް (އެމްއެންއައިއެސް)ގެ ފަރާތުން ހިންގުމަށް ހަމަޖެހިފައިވާ ކޯހެކެވެ.

މާލޭގައި ކުރިއަށްދާ މި ކޯސް އޮންނާނީ މި މަހުގެ 12 ވަނަ ދުވަހުން ފެށިގެން 17 ވަނަ ދުވަހުގެ ނިޔަލަށެވެ. މި ކޯހުގައި ބައިވެރިވުމުގެ ފުރުސަތު މިމަހުގެ 5 ވަނަ ދުވަހާހަމައަށް ހުޅުވިފައިވާއިރު، މިއީ ދެ ޖިންސުގެ ފަރާތްތަކަށް ވެސް ހުޅުވިފައިވާ ފުރުސަތެކެވެ.

ރާއްޖޭގައި ކުޅިވަރު ކުރިއަރުވާ، ދިވެހި ކޯޗުން ތަމްރީނުކުރުމަކީ ސަރުކާރުގެ އެންމެ މުހިންމު އަމާޒުތަކުގެ ތެރޭގައި ހިމެނެއެވެ. މިގޮތުން ކުރެވޭ މަސައްކަތުގެ ތެރެއިން، ރެފްރީންނާއި ކޯޗުން އަދި އޮފިޝަލުން ތަމްރީނުކުރުމުގެ ގިނަ ޕްރޮގްރާމްތަކެއް އެމްއެންއައިއެސްއިން ވަނީ މިހާރުވެސް ކާމިޔާބުކަމާއެކު ހިންގާފައެވެ.

މިފަދަ ކޯސްތަކުން ތަމްރީނުވި ގިނަ ފަރާތްތަކެއް މިހާރު ކުޅިވަރުގެ މައިދާނުގައި ހަރަކާތްތެރިވަމުން އަންނަ ކަން ފާހަގަކޮށްލެވެއެވެ. ރާއްޖޭގެ އެކި ސަރަހައްދުތަކުގައި ކުޅިވަރުގެ ޓެކްނިކަލް ފަރާތްތައް ތަމްރީނުކުރުމަށް ސަރުކާރުން ޚާއްސަ އިސްކަމެއް ދެއްވައެވެ. މިގޮތުން އަތޮޅުތެރޭގައިވެސް އެކި ކުޅިވަރުތަކަށް ޚާއްސަ ގިނަ އެކަޑަމީތަކެއް ހިންގަމުން އަންނައިރު، މިތަންތަނުގައި ކުދިންނަށް އިރުޝާދުދިނުމަށް ހަރަކާތްތެރިވަމުން އަންނަނީ ރާއްޖޭގެ ކޯޗުންކަން ފާހަގަކޮށްލެވެއެވެ. މިފަދަ ކޯސްތަކަކީ ރާއްޖޭގެ ކުޅިވަރު ދާއިރާއަށް އިތުރު ކުރިއެރުންތަކެއް ގެނެސްދޭނެ ކަމަށް ބެލެވެއެވެ.

ލެވެލް 1 ގެ ނެޓްބޯޅަ ކޯޗިން ކޯހުގައި ބައިވެރިވުމަށް ހުޅުވާލައިފި

ދުންފަތުގެ އިސްތިއުމާލު ކުރުން ހުއްޓުވުމަށް ރައީސް ޑރ. މުހައްމަދު މުއިއްޒުގެ ސަރުކާރުން އެޅި އެންމެ ވަރުގަދަ ފިޔަވަޅު ކަމުގައިވާ "ޖެނެރޭޝަން ބޭން" ތަންފީޒު ކުރަން ފަށައިފިއެވެ.

މިއީ 2007 ވަނަ އަހަރުގެ ޖެނުއަރީ އެކަކުން ފެށިގެން އުފަންވެފައިވާ މީހުންނަށް ދުންފަތުގެ އިސްތިއުމާލު ކުރުން މަނާކުރުމަށް މަޖިލީހަށް ހުށަހަޅައި، މި އަަހަރުގެ މެއި މަހުގެ 13 ގައި މަޖިލިހުން ފާސްކުރި ބިލެކެވެ. ރައީސް ޑރ. މުހައްމަދު މުއިއްޒު މި ބިލް މިދިޔަ މެއި މަހުގެ 21 ގައި ތަސްދީގު ކުރެއްވިއިރު، 2007 ވަނަ އަހަރުން ފެށިގެން އުފަންވެފައިވާ އެންމެންނަށް ދުންފަތުގެ ބާވަތްތައް ވިއްކުމާއި ބޭނުން ކުރުމަކީ މަނާކަމެކެވެ.

އަދި ދުންފަތުގެ ބާވަތްތައް ވިއްކޭނީ ހަމައެކަނި ލައިސަންސް އޮތް ރަޖިސްޓަރީ ކުރެވިފައިވާ ތަންތަނުގައެވެ. އޮންލައިންކޮށް ނުވަތަ ވެންޑިން މެޝިންތައް މެދުވެރިކޮށް ދުންފަތުގެ ބާވަތްތައް ވިއްކުން މަނާ ވާނެއެވެ. އަދި ދުންފަތުގެ ބާވަތްތައް އުފެއްދުމަށް ބޭނުންކުރާ މެޝިނަރީ ރާއްޖެއަށް އެތެރެކުރުން މަނާކޮށް އިލެކްޓްރޯނިކް ސިނގިރޭޓާއި ވޭޕް ކުރުމަށް ބޭނުންކުރާ އާލާތްތައް ގެންގުޅުމާއި ބޭނުންކުރުން ވެސް މަނާވާނެއެވެ.

ރައީސުލްޖުމްހޫރިއްޔާ ޑރ.މުހައްމަދު މުޢިއްޒު ރާއްޖޭގެ ޒަޢާމަތާއި ހަވާލުވެވަޑައިގަތީ ރާއްޖޭގައި ޒަމާނުއްސުރެ ހައްލު ނުލިބި ހުރި އެތައް މައްސަލަތަކަކަށް ވަށާޖެހޭ ހައްލުތަކެއް ހޯއްދަވައިދެއްވުމުގެ ވަރުގަދަ އަޒުމުގައެވެ. ޒަމާންތަކެއް ވަންދެން ދިވެހި މުޖްތަމަޢުގައި މޫލާފައިވާ މައްސަލަތަކަށް ހައްލެއް ހޯދުމަކީ އުނދަގޫފުޅު މަސައްކަތަށްކަށްވީނަމަވެސް އެމަނިކުފާނުގެ ހިތްވަރުގަދަކަމާއި ކެރިވެވަޑައިގަންނަ ޝަހުސިއްޔަތުގެ ސަބަބުން އެ މައްސަލަތަކަށް ހައްލު ހޯއްދެވުންވީ އުނގަދޫފުޅު މަސައްކަތަކަށް ނޫނެވެ.

ދިވެހިންގެ ސިއްހަތާއި ދުޅަހެޔޮކަމާއި ގުޅިފައިވާ ދުންފަތުގެ މައްސަލައަށްވެސް ހައްލު ހޯއްދެވުމަށް މީގެކުރިން އެކި ވެރީންގެ ޒަޢާމަތުގައިވެސް މަސައްކަތްތަކެއް ވަނީ ކުރައްވާފައެވެ. ނަމަވެސް އެކި ފަހަރު މަތިން ސިނގިރޭޓުގެ އަގު ކޮންމެވެސް މިންވަރަކަށް އުފުލާލުމުގެ ގޮތުން އިމްޕޯޓް ޑިއުޓީ ބޮޑުކުރުން ފިޔަވައި އިތުރު ކަމެއް ކޮށްފައެއް ނެތެެވެ.

ރާއްޖޭގެ އާބާދީއަކީ 515,132 އެވެ. އެ އާބަދީގެ ތެރެއިން 2007 ވަނަ އަހަރުގެ ޖެނުއަރީ އެކަކުން ފެށިގެން އުފަންވެފައި ތިބި، މަރުވެފައި ތިބި މީހުން އުނިކޮށްފައި ބަލާއިރު އަދަދަކީ 124،002 މީހުންނެވެ. އެއީ ރާއްޖޭގެ އާބާދީގެ %30 މީހުންނެވެ.

މިއަދުން ފެށިގެން ޖެނަރޭޝަނަލް ބޭންއަށް އަމަލުކުރަން ފެށިގެންދިޔައިރު މިއީ ދިވެހިރާއްޖޭގެ ތާރީހުގައިވެސް ރާއްޖެއިން މިހާތަނަށް އެޅި އެންމެ ހަރުކަށި ފިޔަވަޅެވެ.

2007 ގެ ފަހުން އުފަންވި އެންމެނަށް ދުންފަތް މަނާކޮށްފި

ގަވާއިދާއި ހިލާފަށް ރާއްޖެއަށް އެތެރެ ކުރުމުން، މޯލްޑިވްސް ކަސްޓަމްސްގެ ބެލުމުގެ ދަށަށް ގެންދިޔަ ތިން މިލިއަނަށް ވުރެ ގިނަ ސިނގިރޭޓް ސްޓިކްސް ނައްތާލައިފިއެވެ.

މި ތަކެތި ނައްތާލާފައިވަނީ މިއަދު ކ. ދޫނިދޫގައި ކަސްޓަމްސް އޮފިސަރުންނާއި މީޑިއާގެ ހާޒިރުގައެވެ.

ކަސްޓަމްސް އިން މިއަދު ވިދާޅުވީ، ކަސްޓަމްސްގެ ބެލުމުގެ ދަށުގައި ހުރި 3,183,040 ސިނގިރޭޓް ސްޓިކްސް / 199 ކޭސް ސިނގިރޭޓް ނައްތާލާފައިވާ ކަމަށެވެ.

އަދި މިތަކެއްޗަކީ ގާނޫނާ ގަވާއިދާ ހިލާފަށް ރާއްޖެއަށް އެތެރެ ކުރަން އުޅެނިކޮށް ކަސްޓަމްސްގެ ބަލައި ފާސްކުރުމުގެ ތެރެއިން ހޯދިފައިވާ ތަކެތި ކަމަށްވެސް ކަސްޓަމްސް އިން ވިދާޅުވެފައި ވެއެވެ.

ކަސްޓަމްސް އިން މި ތަކެތި ނައްތާލަނީ އަންދާލައިގެންނެވެ.

ރާއްޖެއަށް ގަވާއިދާ ހިލާފަށް ސިނގިރޭޓް އެތެރެ ކުރާ މައްސަލަތައް މިފަހަކަށް އައިސް އިތުރުވެފައިވާކަން ފާހަގަކޮށްލަން ޖެހެއެވެ.

ގަވާއިދާއި ހިލާފަށް ރާއްޖެއަށް އެތެރެ ކުރި ތިން މިލިއަން ސިނގިރޭޓް ނައްތާލައިފި

ބޭންކް އޮފް މޯލްޑިވްސް (ބީއެމްއެލް) އާއި ކެންސަރު ސޮސައިޓީ އޮފް މޯލްޑިވްސް (ސީއެސްއެމް) އާ ގުޅިގެން ބޭއްވި "ޕިންކް ރިބަން ރަން ވޯކް" ކާމިޔާބުކަމާއެކު ނިންމާލައިފިއެވެ.

މި ހަރަކާތުގައި ގިނަ އަދަދެއްގެ ބަޔަކު ބައިވެރިއިރު، މިއަދު ހަވީރު ހުޅުމާލެ އަދި ރާއްޖޭގެ ރަށްތަކުގައި މި ހަރަކާތް ކުރިއަށް ގެންގޮސްފައި ވެއެވެ. އެގޮތުން ހުޅުމާލޭ ސެންޓްރަލް ޕާކުގައި ހާއްސަ ހަރަކާތްތަކާއެކު އެ އިވެންޓް ކުރިއަށްގެންދިޔައިރު، ރާއްޖޭގެ އެކި ކަންކޮޅުތަކުން 32 ރަށެއްގައި، އަދި 3 ރިސޯޓެއްގައިވެސް ވަނީ މި ހަރަކާތް ބާއްވާފައެވެ.

އުރަމަތީގެ ކެންސަރަކީ ދުނިޔެއިންވެސް އެންމެ ގިނަ ބަޔަކު ފެންނަ ކެންސަރުގެ ބާވަތްތަކުގެ ތެރޭގައި ހިމެނޭ އެއް ބާވަތެވެ. މިފަދަ ހަރަކާތްތަކުގެ ބޭނުމަކީ މި ބައްޔާއި ބެހޭ ގޮތުން މީހުން ހޭލުންތެރިކޮށް، އެ ބަލި ކުރިން ދެނެގަތުމުގެ މުހިންމުކަން އަންގައިދިނުމެވެ.\ސީއެސްއެމް އަކީ ކެންސަރަށް މީހުން ހޭލުންތެރިކުރުމުގެ އިތުރުން، ކެންސަރު ބައްޔަށް ފަރުވާ ބޭނުންވާ ފަރާތްތަކަށް ސައިކޯސޯޝަލް (ނަފްސާނީ އަދި އިޖްތިމާއީ) އެހީ ފޯރުކޮށްދިނުމަށް ގިނަ މަސައްކަތްތަކެއް ކުރަމުންދާ ޖަމިއްޔާއެކެވެ. މި ޖަމިއްޔާއިން އަންނަނީ ކެންސަރާ ގުޅުންހުރި ގިނަ ކަންކަމަށް އާންމުން ހޭލުންތެރިކުރުމަށް އެކި ހަރަކާތްތައް ހިންގަމުންނެވެ.

2014 ވަނަ އަހަރުން ފެށިގެން ބާއްވަމުން އަންނަ އެ ރަން އަށް 2016 ވަނަ އަހަރުން ފެށިގެން "ޕިންކް ރިބަން ރަން-ވޯކް" ބޭއްވުމަށް ބީއެމްއެލް އިން އަންނަނީ މެދުނުކެނޑި އެހީތެރިވަމުންނެވެ. މީގެ އިތުރުން، ސީއެސްއެމްގެ އެކި ހަރަކާތްތަކަށް އެހީތެރިވުމުގެ ގޮތުން ބޭންކުން ވަނީ ގިނަ ފަހަރު މާލީ އެހީތެރިކަންވެސް ފޯރުކޮށްދީފައެވެ.

ސިއްހަތު

މިއަހަރުގެ "ޕިންކް ރިބަން ރަން-ވޯކް" ބާއްވައިފި

ނ. މަނަދޫ ފިޓްނަސް ސެންޓަރުގެ މަސައްކަތް ހަލުވި ކަމާއިއެކު ކުރިއަށްދާ ކަމަށް އެ މަސައްކަތް ކުރާ އެމްޓީސީސީއިން ވިދާޅުވެއްޖެއެވެ.

އެމްޓީސީސީއިން ވިދާޅުވީ މަނަދޫ ފިޓްނަސް ސެންޓަރުގެ މަސައްކަތް ހަލުވި ކަމާއިއެކު ކުރިއަށްދާ ކަމަށެވެ. އަދި މިހާރު ކުރިއަށްދަނީ ފުރާޅު އެޅުމަށް ދަނގަޑު ޖެހުމުގެ މަސައްކަތް ކަމަށް ވިދާޅުވިއެވެ.

ރައީސް ޑރ. މުހައްމަދު މުއިއްޒު މި ފަހުން ނ. އަތޮޅުގެ ރަށްތަކަށް ކުރެއްވި ރަސްމީ ދަތުރުފުޅުގައި މަނަދޫއަށް ވަޑައިގެންނެވިއެވެ. އަދި އެ ދަތުރުފުޅުގައި ވަރަށް ގިނަ މަޝްރޫއުތަކެއްގެ އަމަލީ މަސައްކަތް ވަނީ ފައްޓަވައިދެއްވާފައެވެ. އޭގެ ތެރޭގައި ފިޓްނަސް ސެންޓަރުގެ އަމަލީ މަސައްކަތް ހިމެނެއެވެ.

ރައީސްގެ އެދަތުރުފުޅުގައި، ޒިޔާރަތް ކުރެއްވި ރަށްރަށުގެ ކައުންސިލްތަކާއި، ރަށްރަށުގެ ރައްޔިތުންނާއި ބައްދަލުކުރައްވައި ވަނީ މަޝްވަރާތައް ކުރައްވައިފިއެވެ.

މި ބައްދަލުވުންތަކުގައި، ރަށްރަށަށް މިވަގުތު ތަރައްގީއަށް ކޮށްދެވޭނެ އެންމެ މުހިންމު ކަންކަން ދެނެގަނެ، އެކަންކަން ކޮށްދެއްވުމަށް މަސައްކަތް ކުރައްވާނެ ކަމަށް ރައީސް ވަނީ ވިދާޅުވެފައެވެ. މި ދަތުރުފުޅުގެ މައިގަނޑު މަގުސަދަކީ ރަށްރަށުގެ ތަރައްގީއަށް ބޭނުންވާ މަސައްކަތްތައް ގާތުން ދެނެގަނެ އެކަން ފެށުން ކަމުގައި ރައީސް ވަނީ ވިދާޅުވެފައެވެ.

އެމްޓީސީސީން ދަނީ ރާއްޖޭގެ އެކިކަންކޮޅުތަކުގައި ތަރައްގީގެ އެކި މަޝްރޫއުތައް ހިންގަމުންނެވެ.

Latest Lifestyle Main

މަނަދޫ ފިޓްނަސް ސެންޓަރުގެ މަސައްކަތް ކުރިއަށް

ސްޓެލްކޯގެ މުވައްޒަފުންގެ ހެލްތް ސްކްރީނިން ހަރަކާތެއް ކުރިއަށް ގެންގޮސްފިއެވެ.

ސްޓެލްކޯއިން ވިދާޅުވީ ދުޅަހެޔޮ ދިރިއުޅުމާއި ގުޅޭގޮތުން މުވައްޒަފުން ހޭލުންތެރިކޮށް، މުވައްޒަފުންގެ ސިއްހީ ހާލަތު ދެނެގަތުމަށް ހުޅުމާލޭ ހޮސްޕިޓަލާއި ގުޅިގެން އިއްޔެ އެ ކުންފުނީގައި ހެލްތު ސްކްރީނިން ހަރަކާތެއް ކުރިއަށް ގެންގޮސްފައިވާ ކަމަށެވެ.

އެ ހަރަކާތުގެ ތެރެއިން އެ ކުންފުނީގެ ގިނަ އަދަދެއްގެ މުވައްޒަފުން ވަނީ ހެލްތު ސްކްރީނިންގ ހަދައި، ދުޅަހެޔޮ ސިއްހަތެއްގައި ތިބުމަށް ބޭނުންވާ މައުލޫމާތު ހޯދާފައި ކަމަށް ސްޓެލްކޯއިން ވިދާޅުވިއެވެ.

ސްޓެލްކޯއިން އަބަދުވެސް އެ ކުންފުނީގެ މުވައްޒަފުންގެ ދުޅަހެޔޮކަމާއި އުފާވެރިކަމަށް ހާއްސަ ސަމާލުކަމެއްދެއެވެ. އެގޮތުން ދުޅަހެޔޮ ސިއްހަތަކަށް ފަހިވާނެ އެކި ހަރަކާތްތައް ހިންގައެވެ. އަދި މުވައްޒަފުންގެ ހިތްހަމަޖެހުމަށް އެކި ހަރަކާތްތައް ހިންގައެވެ.

Latest Lifestyle Side Cards

ސްޓެލްކޯގެ މުވައްޒަފުންގެ ހެލްތް ސްކްރީނިން ހަރަކާތެއް ކުރިއަށް ގެންގޮސްފި

ޕްރައިމަރީ ހެލްތު ކެއަރ ނިޒާމްގެ ތެރެއިން މިއަހަރުގެ ސެޕްޓެމްބަރު މަހުގެ ނިޔަލަށް 24773 މީހުން ގައިންގަޔަށް ނާރާ ބައްޔަށް ސްކްރީން ކޮށްފައިވާކަމަށް ހެލްތު ޕްރޮޓަކްޝަން އެޖެންސީ އެޗްޕީއޭއިން ވިދާޅުވެއްޖެއެވެ.

ޕްރައިމަރީ ހެލްތު ކެއަރގެ ނިޒާމަކީ ބަލިން ރައްކާތެރިވުމުގެ ފިޔަވަޅުތައް އެޅުމަށާއި ސްކްރީންކޮށް ބަލިދެނެގަތުމަށާއި، ބޮޑުވަރުވިޔަނުދީ ބެލެހެއްޓުމަށް ބާރުއަޅާ، ބަލިމީހުންނާއި އެމީހުންގެ އާއިލާތަކާއެކު މަސައްކަތްކުރެވޭނެ ގޮތަށް ކަންކަން އިންތިޒާމުކޮށް ހިންގޭ ޞިއްޙީ ޚިދުމަތުގެ ނިޒާމެވެ.

އެޗްޕީއޭއިން ވިދާޅުވީ އަތޮޅުތަކުގައި ޕްރައިމަރީ ހެލްތު ކެއަރ ނިޒާމް ހަރުދަނާކުރުމަށް ފަށާފައިވާ މަސައްކަތުގެ ދަށުން މިއަހަރުގެ ޖުލައި މަހުގެ ނިޔަލަށް ޖުމްލަ 11 އަތޮޅެއްގެ ޞިއްޙީ ދާއިރާގެ ގިނަ ޚިދުމަތްތެރިންނަށް ކަމާ ގުޅޭ ތަމްރީނުތައް ދީފައިވާކަމަށެވެ. އެއީ ފ، އދ، ނ، ޅ، ތ، މ، ބ، ދ، ރ، ގދ، ފުވައްމުލައް ސިޓީއެވެ.

ބާކީ ހުރި އަތޮޅުތަކުގެ ތަމްރީނުތައް 2026 ވަނަ އަހަރުގެ ފުރަތަމަ 4 މަސް ތެރޭގައި ނިންމުމަށް އެޗްޕީއޭއިން ވަނީ ރާވާފައެވެ. އަދި މިހާރު މަސައްކަތް ފަށާފައިވާ އަތޮޅުތަކުގައި އުމުރުން 35 އަހަރުން މަތީގެ މީހުން ގައިން ގަޔަށް ނާރާ ބަލިތަކަށް ސްކްރީންކޮށް އެ މައުލޫމާތުތައް ބެލެހެއްޓެމުގެ މަސައްކަތް ދަނީ ކުރަމުންނެވެ.

އެޗްޕީއޭއިން ހާމަކޮށްފައިވާގޮތުގައި ސެޕްޓެމްބަރުމަހުގެ ނިޔަލަށް 11 އަތޮޅަކުން 24773 މީހުން ގައިންގަޔަށް ނާރާ ބައްޔަށް ވަނީ ސްކްރީން ކޮށްފައެވެ. މީގެ ތެރޭގައި 4461 ލޭ މައްޗަށް ދާ މީހުން ރިކޯޑް ކުރެވިފައިވާކަމަށް އެޗްޕީއޭއިން ވިދާޅުވއެވެ.

ރާއްޖޭގައި ގައިންގަޔަށް ނާރާ ބަލިތައް ނިސްބަތުން ގިނަވެ، މަރުވާ މީހުންގެ %84 އަކީ މިފަދަ ބަލިތައް ތަޙައްމަލު ކުރާ މީހުންކަމަށް ކަމާބެހޭ އިދާރާތަކުން ވިދާޅުވެއެވެ. ޚާއްސަކޮށް ރާއްޖޭގައި ކެންސަރާ ކިޑްނީ ބައްޔާއި ހިތުގެ ބަލިތަކަށް ފަރުވާ ހޯދާ މީހުން އަންނަނީ އިތުރުވަމުންނެވެ.

މިބަލިތަކަށް ހުށަހެޅެނޭ ސަބަބުތަކުގެ ތެރޭގައި ދިރިއުޅުމުގެ ވައްޓަފާޅިއަށް އަންނަ ބަދަލުތައް ހިމެނެއެވެ. މިން ހެޔޮ ކާނާ ނުކެއުމާއި ހެލިފެލިވެނޫޅުމުގެ ސަބަބުން މިފަދަ ބޮޑެތި ބަލިތަކަށް ހުށަހެޅުމުގެ ފުރުޞަތު ބޮޑުވާކަން ސިއްޙީ މާހިރުން ފާހަގަކުރައްވައެވެ. އެހެންކަމުން މިފަދަ ބޮޑެތި ބަލިތަކަށް ހުށަހެޅުމުގެ ކުރިން ނުވަތަ ބަލީގައި ބޮޑުވަރު ނުވަނީސް ބަލި ދެނެގަތުމަކީ މުހިއްމުކަމަކަށް ވެއެވެ. މިކަން ކަން ދެނެގަތުމަށް ޕްރައިމަރީ ހެލްތްކެއަރ ނިޒާމް މުހިއްމުވެއެވެ.

ޕްރައިމަރީ ހެލްތު ކެއަރ ނިޒާމް ނުވަތަ އިބްތިދާއީ ސިއްޙީ ޚިދުމަތުގެ ނިޒާމު ވަރުގަދަކުރުމަށް ފަށާފައިވާ ޕްރޮގްރާމުގައި އާންމު ބަލިތަކުގެ ހާލަތު ދެނެގަތުމަށްޓަކައި 18 އަހަރުން މަތީގެ ކޮންމެ ރައްޔިތެއްގެ މެޑިކަލް ހިސްޓްރީ ނެގުމަށް ވަނީ ހަމަޖެހިފައެވެ. މި މެޑިކަލް ހިސްޓްރީގައި ކޮންމެ ރައްޔިތެއްގެވެސް މިހާތަނަށް ކުރެވުނު ބޭސްފަރުވާގެ މަޢުލޫމާތު ރިކޯޑުކުރެވޭނެއެވެ.

މި ޕްރޮގްރާމުގެ ދަށުން ސިއްޙީ ޚިދުމަތްތެރީން ގޭގެއަށް ޒިޔާރަތްކޮށް، ސިއްޙީ މަޢުލޫމާތު ފޯރުކޮށް، އެކިއެކި ބަލިތަކަށް ފަރުވާ ހޯދަމުންދާ ފަރާތްތަކަށް ލަފަޔާއި އިރުޝާދު ދިނުން ހިމެނެއެވެ. ދުނިޔޭގެ ސިއްޙަތު ޖަމްޢިއްޔާއިން އިރުޝާދު ދެއްވާ ގޮތުގައި، އިބްތިދާއީ ސިއްޙީ ނިޒާމަކީ ރައްޔިތުންނާއި ގާތުން ހަމަހަމަކަމާއެކު ސިއްޙީ ޚިދުމަތް ދިނުމަށް އެންމެ އިތުބާރު ހުރި ނިޒާމެކެވެ.

ޕްރައިމަރީ ހެލްތު ކެއަރ ނިޒާމް: 11 އަތޮޅުން 24000އަށްވުރެ ގިނަ މީހުން ސްކްރީންކޮށްފި

ލައިފްސްޓައިލް

ކޮންމެ ކައިވެންޏެއްގެވެސް އެންމެ މުހިންމު އެއް ބިންގަލަކީ ދެމަފިރިންގެ މެދުގައި އޮންނަ ލޯތްބާއި އެކުވެރިކަމެވެ. މި ގުޅުން ހަރުދަނާކޮށް، ދެމެހެއްޓުމަށްޓަކައި އެތައް ކަމެއް މުހިންމުވެއެވެ. މިފަދަ ކަންކަމުގެ ތެރޭގައި ދެމަފިރިން މެދުގައި އޮންނަ މަޖާޒީ ވާހަކަ ދެއްކުމާއި، ފޮޑި ޖެހުމަކީ ލޯބި އިތުރުކުރާ ކަމެއްތޯއަކީ ވިސްނާލުން މުހިންމު ސުވާލެކެވެ. މިއީ އެއްވެސް ޝައްކެއްނެތް ގޮތުގައި އެކި މީހުންނަށް ތަފާތު ގޮތްގޮތަށް ތަޖުރިބާ ކުރެވޭނެ އަދި އެކި ދިރިއުޅުންތަކަށް ތަފާތު އަސަރުތައް ކުރާނެ ކަމެކެވެ.

ދެމަފިރިންގެ މެދުގައި މަޖާޒީ ގޮތެއްގައި ވާހަކަ ދެއްކުމާއި، ފޮޑި ޖެހުމަކީ ގުޅުމަށް އާ ރޫހެއް ގެނެސްދޭ ކަމެކެވެ. އެއްފަރާތުން އަނެއް ފަރާތަށް އޮންނަ ލޯބި ހާމަކޮށްދިނުމުގެ ވަސީލަތެއްގެ ގޮތުގައި މިކަން ބޭނުންކުރެވިދާނެއެވެ. އެކުވެރިކަމާއި، މަޖާ ކަންކަމުގެ ތެރެއިން ގުޅުން އިތުރަށް ބަދަހިވެ، ދެފަރާތުންނަށްވެސް ހިތްހަމަޖެހުމާއި އުފާވެރިކަން ލިބިގެންދެއެވެ. ޒަވާޖީ ހަޔާތް ފޫހިވިޔަ ނުދިނުމަށް މިފަދަ ކަންކަން އެހީތެރިވެދެއެވެ. ހަޔާތުގެ ޒިންމާތަކާއި ފިއްތުންތަކުގެ ތެރެއިން، މަޖާޒީ ކުޑަ ވަގުތުކޮޅެއް ލިބުމަކީ ލޯތްބާއި އަޅާލުން އިތުރުކޮށްދޭނެ ކަމެކެވެ. އިސްލާމްދީނުގައިވެސް ރަސޫލުﷲ صلى الله عليه وسلم އެކަލޭގެފާނުގެ އަނބިކަނބަލުންނާއެކު މަޖާ ކުޅިވަރުތައް ކުޅުއްވިކަން ސުންނަތުން އެނގެއެވެ. މިއީ ދެމަފިރިންގެ މެދުގައި ލޯތްބާއި އެކުވެރިކަން އިތުރުކުރާނެ ކަމެއްކަން ދައްކުވައިދޭ ކަމެކެވެ. ހަޤީޤީ ލޯތްބާއި އަޅާލުން ހުރި ނަމަ، ފޮޑިޖެހުމަކީ ގުޅުން އިތުރަށް އާލާކޮށް، ދިރުވާލާނެ ކަމެކެވެ.

އެހެންކަމުން، ދެމަފިރިން މެދުގައި ފޮޑި ޖެހުމަކީ ލޯބި އިތުރުކުރާނެ ކަމެއްކަމަށް ބުނެވޭނީ އެކަމަށް އެކަށީގެންވާ ގޮތުގައި، ދެފަރާތުންވެސް އެކަން ޤަބޫލުކޮށް، ހައްދު ފަހަނަޅައިނުދާނެހެން ކުރާ ކަމެއްނަމައެވެ. ކައިވެނީގެ ލޯބި ދެމެހެއްޓުމަށްޓަކައި، އިހުތިރާމާއި، މުއާމަލާތުކުރުމާއި، އެކަކު އަނެކަކަށް ދޭ ސަމާލުކަމާއި، ޒިންމާދާރުކަމަކީ އެންމެ މުހިންމު ބަހާތަކެވެ. ފޮޑި ޖެހުމަކީ މި ބަހާތައް އިތުރަށް ފުރިހަމަކޮށްދޭނެ ވަސީލަތެކެވެ. އެކަން ކުރަންވާނީ ދެފަރާތުގެ މެދުގައި އޮންނަ އިހުތިރާމާއި ގާތް ގުޅުން ހަލާކުނުވާނެ ގޮތަށެވެ. މެދުމިނުގައި ކަންކަން ކުރުމަކީ ކޮންމެ ކަމެއްގައިވެސް މުހިންމު ކަމެކެވެ.

އިސްލާމީ އުސޫލުތަކުގެ ތެރެއިން ދިރިއުޅުން ބައްޓަންކުރުމަކީ މުހިންމު ކަމެކެވެ. ފޮޑި ޖެހުމަކީ ގުޅުން ހަލުވިކޮށްދޭ، އުފާވެރިކަން ގެނެސްދޭ ކަމެއް ކަމުގައި ވިޔަސް، އެއީ ލޯބީގެ ބިންގަލެއް ނޫނެވެ. ލޯބީގެ ބިންގަލަކީ ތެދުވެރިކަމާއި، ވަފާތެރިކަމާއި، އޯގާތެރިކަމާއި، ދެމެހެއްޓެނިވި އިހުތިރާމެވެ.